Ministri i Punëve të Jashtme, z. Ditmir Bushati, priti sot në një takim kortezie Ambasadorin e Republikës Arabe të Egjiptit në Tiranë, z. Ahmed Hassan Abdellah.

Ambasadori, pasi e uroi Ministrin Bushati për marrjen e detyrës së re, shprehu angazhimin e palës egjiptiane për intensifikimin e mëtejshëm të marrëdhënieve dypalëshe, në të gjitha fushat me interes reciprok.

Nga ana e tij, Ministri Bushati, vlerësoi bashkëpunimin e deritanishëm mes dy vendeve tona dhe shprehu vullnetin për intensifikimin e mëtejshëm të marrëdhënieve në të ardhmen. Po ashtu, ai nënvizoi rëndësinë që pati njohja e pavarësisë së Kosovës nga Egjipti, e cila shërben gjithashtu si kontribut për paqen dhe stabilitetin në rajonin e Ballkanit.